"Шымбұлаққа" баратын жолды су алып кетті, - деп хабарлайды Tengrinews.kz тілшісі Алматы ТЖД баспасөз қызметіне сілтеме жасап.
Ведомство мәліметі бойынша, 5 мамырда сағат 15.52-де Медеу ауданындағы "Горельник" шатқалында ауа температураның көтерілуі және қардың көп еруі салдарынан "Шымбұлаққа" баратын жолды көлемі бес текше метр болатын су алған.
Сурет: Алматы ТЖД баспасөз қызметінен
"Су бұру құбырының ластануына байланысты (800 миллиметр) жол төсемін су басқан. Зардап шеккендер мен жолдың бұзылу жағдайлары болған жоқ. Өртсөндірушілер мен Қазселденқорғау қызметкерлері шаралар қабылдап, құбыр тазартылып, қалпына келтірілді", - деді ТЖД өкілдері.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
