Шымкентте изоляторға қамалған ер адам өлі табылды
Ер адам Шымкент қалалық ІІБ изоляторында өлі табылды. Бұл мәліметті ІІД баспасөз қызметіндегілер Tengrinews.kz редакциясының сауалхатына берген жауабында растады.
29 жастағы ер адам 16 қыркүйекте өз-өзіне қол салған делінеді. Ол топ болып, қару қолдану арқылы бұзақылық әрекет жасады деген күдікпен ұсталған. Оған қатысты ҚР Қылмыстық кодексінің 293-бабының 3-бөлігі ("Бұзақылық") бойынша сотқа дейінгі тергеу амалдары жүргізіліп жатқан.
"Өзін-өзі өлтіру дерегі Абай полиция бөлімінде тіркелді. Соталды тергеу жүріп жатыр. Бірқатар сараптама тағайындалды", - деп хабарлады полициядағылар.
Полиция өкілдері соталды тергеудің ҚР Қылмыстық кодексінің 105-бабы бойынша ("Өзiн-өзi өлтiруге дейiн жеткiзу") тергеліп жатқанын нақтылады. Алайда тәртіп сақшылары оқиғаның мән-жайын айтпажы. Ер адамның қандай жолмен өзіне қол салғаны, камерада жалғыз болған-болмағаны және одан кімнің жауап алғаны жайлы сұрақтар жауапсыз қалып отыр.