Шымкентте тұрғын үйде газ баллоны жарылды: 2 адам зардап шекті

Шымкентте жеке тұрғын үйде газ баллоны жарылып, 2 адам зардап шекті, - деп хабарлайды Tengrinews.kz тілшісі Шымкент қалалық ТЖД қоғаммен байланыс тобының баспасөз қызметіне сілтеме жасап. 

Кезекші-диспетчерлік қызметіне 2021 жылдың 7 қаңтарында сағат 06:20-да таңертең сағат 04:49-да Еңбекші ауданының Жұлдыз шағынауданында Новостройка көшесіндегі жеке тұрғын үйде сыйымдылығы 50 литр газ баллонының жарылғаны туралы хабарлама келіп түскен.

Жарылыстан 30 шаршы метр қабырға құлаған. Үйдің жалпы ауданы - 144 шаршы метр.

Жарылыстың алдын ала себебі - қауіпсіздік ережелерін сақтамау.

"Кешкі уақытта 6 қаңтарда үй иесі қауіпсіздік техникасын бұзып, баллонға газ толтырған (50 литрлік газ баллоны толығымен толтырылды), оны үйдің ішіне кіргізген. Түнде газдың иісін сезіп, үй иесі тексеруге тұрған, абайсызда электржарығы қосылған (алдын ала нұсқа). Осы себепті газ-ауа тарсылы шығып, содан кейін жарылыс болды", - делінген хабарламада.

Жарылыс салдарынан екі адам зардап шекті.

"1985 жылғы үй иесі екі қолдың, аяқтың және беттің 2-3 дәрежелі 23 пайыз күйік диагнозымен және оның 2006 жылғы қызы кеуде қуысының жарақаты диагнозымен ауруханаға жатқызылды. Қыздың жағдайы орташа ауыр деп бағаланды", - деді ведомстводағылар. 

Оқиға болған жерге ТЖД-ның 13 қызметкері мен 3 техникасы, Апаттар медицинасы орталығы филиалының 3 қызметкері жұмыс істеді.

ТЖД өкілдері газ баллоны не үшін жарылғанын түсіндіріп берді. 

"Ең басты себеп - баллондарды сақтау және пайдалану ережелерін бұзу. Клапан жеткілікті түрде жабылмаса, газ шығып, бөлмені толтыра бастайды. Кез келген кездейсоқ ұшқын бөлмедегі жарылыс пен өртке әкеледі.

Тағы бір нұсқа - баллонды аяздан кіргізу. Егер сыйымдылықты ұзақ уақыт төмен температурада болған көшеден ішке кіргізсе, температураның күрт өзгеруі газдың кеңеюіне әкеліп соғып, ағып кету қаупін арттырады. Сондықтан, ешқандай жағдайда газ баллонды жылу көзінің жанына қоюға болмайды. Газдың кеңеюімен пайда болатын баллон ішіндегі қысымның жоғарылауы ыдыстың жарылу қаупін арттырады.

Уақыт өте келе микрожарықшақтар немесе металл балонның коррозиясы пайда болуы мүмкін. Сырттай мұндай зақым көрінбеуі мүмкін, бірақ ішкі жағынан олар үлкен қауіп тудырады. Бұл баллонды аяздан өте жылы бөлмеге әкелмеудің тағы бір себебі - оның бетінде конденсат пайда болады, бұл коррозия мен одан кейінгі апат қаупін арттырады. Егер баллон металдан жасалмаса, онда мұндай қауіп жоқ, бірақ бұл газ баллонын абайсызда қолдануға болады дегенді білдірмейді", - деп түсіндірді олар.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!