Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Су-27 апаты бойынша қылмыстық іс қозғалды

25 Қыркүйек 2014, 12:30
0
©Тengrinews.kz
©Тengrinews.kz

Алматы облысында Су-27 ұшағының апатқа ұшырау дерегі бойынша қылмыстық іс қозғалды, - деп хабарлайды Tengrinews.kz тілшісі.

"24 қыркүйек күні Талдықорған гарнизонының әскери прокуратурасы Су-27 ұшағының апатқа ұшырау дерегіне қатысты Қазақстан Қылмыстық кодексінің 392-ші - "Ұшулар мен оған дайындық ережелерін бұзу" бабында қарастырылған қылмыс белгілері бойынша қылмыстық іс қозғады",  - деп хабарлады Бас әскери прокуратураның баспасөз қызметі.

Прокуратураның мәліметінше, ҚР ІІМ Әскери-тергеу басқармасы тергеу жүргізіп жатыр.

Қорғаныс министрлігі мамандарының хабарлауынша, қазіргі уақытта борттың дыбысжазғыш құралы іздестіріліп жатыр. Ұшақ топыраққа тұмсығымен кіріп кеткендіктен, оқиға орнында жер қазылып жатыр.

Еске сала кетейік, 23 қыркүйек күні сағат 20.42-де Алматы облысында оқу-жаттығу ұшулары кезінде Су-27 ұшағы апатқа ұшырады. Әскери ұшақ Талдықорғаннан 100 шақырым қашықтықтағы Көксу елді мекені ауданына құлады. Техниканың қалдықтары апат орнынан 500 метрден артық радиусқа ұшқан. Су-27 ұшағын подполковник Ерлан Науанов пен подполковник Денис Горбунов басқарған. 

ҚР Қорғаныс министрлігі Су-27 ұшағының қарапайым метеожағдайда, орташа биіктікте және әскери жарақ жиынтығынсыз ұшырылғанын хабарлады. ҚР Қарулы күштері Әуе қорғанысы күштері бас қолбасшысының бірінші орынбасары Марат Уашпаевтың айтуынша, экипаж - өте тәжірибелі, жоғары сыныпты ұшқыштар.

Оқиғаның себебін анықтау үшін арнайы комиссия құрылды. Ұшақ 2009 жылы Беларусьте күрделі жөндеуден өткен. Ұшқыштардың денесі Су-27 апатынан бір тәуліктен соң табылды. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай