Шығыс Қазақстанда жер сілкінісі болды, - деп хабарлайды Tengrinews.kz тілшісі Қазақстан Ұлттық Мәліметтер орталығына сілтеме жасап.
Жедел мәліметтерге қарағанда, 2016 жылдың 21 қазанында сағат Астана уақыты бойынша 03.38-де Мақаншы ауылынан оңтүстік-шығысқа қарай 23 шақырым жерде зілзала тіркелген.
"Жер ошағының координаты: солтүстік ендікте 46.69 градус, шығыс ендікте 82,03 градус. Магнитудасы - 3.5. Энергетикалық класс К - 8.0", - делінген Қазақстан Ұлттық Мәліметтер орталығының сайтында.
Еске салайық, кеше Батыс Қазақстанда да жер сілкінісі болды. Жедел мәліметтерге қарағанда, 2016 жылдың 20 қазанында сағат Астана уақыты бойынша 17.19-да Қазақстанның батысында зілзала тіркелген.
