+7 (777) 001 44 99
Қазақша
Русский
English
Оңтүстік Қазақстан облысындағы Бадам өзенінде мылқау жасөспірім суға батып кете жаздады, - деп хабарлайды Tengrinews.kz тілшісі.
"Шымкент қалалық ІІБ Жергілікті полиция қызметіндегі стационарлық бекеттің қызметкерлері адамдардың көмек шақырып жатқан дауыстарын естіп, өзен жаққа қарай барған. Оқиға орнына келген полицейлер жасы шамамен 13-15-тегі жасөспірімнің суға батып бара жатқанын көрген", - деп хабарлады ОҚО ІІД Мемлекеттік тілдер және ақпарат басқармасындағылар.
Полиция сержанты Ерлан Айтмұхамедов суға секіріп, батып бара жатқан жасөспірімді алып шыққан. Оған бірден алғашқы медициналық көмек көрсетілді.
Полицияның мәліметінше, бала мылқау. Ол аяқкиімін өзенге түсіріп алып, оны алып шықпақшы болған. Алайда судың қатты ағынынан ол батып кете жаздаған. Полициядағылар жасөспірімді Шымкенттің әл-Фараби ауданындағы полиция бөлімшесіне жеткізіп, кейін үйіне туыстарына жеткізген.
