Green Bus көлік компаниясы Шымкентте төбелескен жүргізушілерге қатысты пікір білдірді, - деп хабарлайды Tengrinews.kz тілшісі.
Жұмыс уақытында төбелескен екі жүргізуші де жұмыстан қуылды. Қауіпсіздік техникасы жөніндегі инженер мен колонна басшысы да тәртіптік жазаға тартылады.
Еске салайық, № 84 және 92 бағыттағы автобустардың жүргізушілері жұрттың көзінше төбелес шығарған болатын. Оларды ажыратқысы келген кондуктор да соққы жеген.
Видео: Оtyrar.kz
"Видео пайда болғанша-ақ 92-ші автобустың жүргізушісі Рүстембеков болған жайды баяндады. Ол 84-ші автобустың жүргізушісі Дәулетбаевпен төбелескен. Жанжал жұмысқа байланысты шықпағанына көзіміз жетті", - деді көлік компаниясының директорының орынбасары Әбдібек Үкібаев.
