Астанада қатты жел салдарынан құлаған ағаш бірнеше сағат бойы жолды жауып қалды, - деп хабарлайды Tengrinews.kz тілшісі.
Астанада қатты жел салдарынан құлаған ағаш бірнеше сағат бойы жолды жауып қалды, - деп хабарлайды Tengrinews.kz тілшісі.
Құлаған ағаштың видеосы редакцияның WhatsApp нөміріне келді.
"Ағаштар Алматыда ғана емес, Астанада да құлап жатыр екен", - деп пікір қалдырған видео авторы.
Тілшіге Сарыарқа ауданының әкімдігі берген мәлімет бойынша, оқиға Ағыбай батыр көшесі, 4-үй маңында болған. Баспасөз қызметі мәліметінше, ағаш "сау және апатты жағдайда болмаған", бірақ қатты жел салдарынан құлаған.
"Ағыбай батыр, 4 мекенжайында құлаған бұл ағаш сау, апатты жағдайда емес және бұл ағаштың тамыры шірімеген. Мұның себебі - қатты жел. Бұл ағаш шамамен 60-65 жаста.
Оқиғадан кейін дереу коммуналдық қызмет бригадасы жіберіліп, 2-3 сағаттың ішінде алып тасталды", - деді Сарыарқа ауданының әкімдігі өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
