Таразда дөнерханада жұмыс істейтін қызды белгісіздер алып қашқан, - деп хабарлайды Polisia.kz.
Оқиға 21 тамызға қараған түні болған. Сағат 00.30 шамасында кезекші бөлімге облыс орталығындағы дәмханалардың бірінде 20 жастағы аспаз қыздың ұрланғаны туралы хабар келіп түскен.
"Жедел-іздестіру іс-шарасы барысында полиция қызметкерлері Талас ауданының 23 жастағы тұрғынын анықтап, ұстады. Ол бейтаныс қызды үйлену үшін келісімінсіз ұрлап әкеткен. Осы дерек бойынша Қылмыстық кодекстің 125-бабы бойынша сотқа дейінгі тергеу басталды. Қызды үйіне қайтарды", - деді полициядағылар.
Осы бап бойынша ер адамның 4 жылдан 7 жылға дейін бас бостандығынан айырылуы мүмкін екені айтылады
Қазақстан жаңалықтары. Соңғы жаңалықтар. Telegram желісінде бізге жазыл!