+7 (777) 001 44 99
ПОДЕЛИТЬСЯ
Таразда болған жантүршігерлік жол апатынан қоныс колониясының басшысы мен жүргізушісі қаза тапты. Тағы бес адам ауруханаға ауыр жағдайда жеткізілген. Бұл туралы КТК телеарнасы хабарлады.
Таразда болған жантүршігерлік жол апатынан қоныс колониясының басшысы мен жүргізушісі қаза тапты. Тағы бес адам ауруханаға ауыр жағдайда жеткізілген. Бұл туралы КТК телеарнасы хабарлады.
Қайғылы жағдай бүгін таңғы 8-дер шамасында болған. Mercedes пен Kia бетпе-бет соғылып, қызметтік машинадағы түрме басшысы мен жүргізушісі сол жерде тіл тартпай кеткен. Салонда болған түзеу мекемесінің төрт қызметкері де түрлі дене жарақатымен емдеу мекемесінде жатыр.
Ал, Mercedes-ті тақымдаған 41 жастағы жүргізушісінің жағдайы өте ауыр. Оның бауырына қатты зақым келген. Жол апатына да осы азамат себепкер болуы мүмкін. Өйткені ол мінген жүйіткіген көліктің капоты ашылып, алдын жауып қалған. Сондықтан машина қарсы бетке шығып кетіп, Kia-ға соғылған.
"Жарақатпен бес науқас түсті оның біреуі әйел. Ер кісілердің ішіндегі біреуі өте ауыр халде. Бауыр жарақатын алған. Жарақаты тігіліп қазір жағдайы бір қалыпты", - деп хабарлады №1 аурухана бас дәрігерінің орынбасары Сәкен Жұмашев.
