Таразда жантүршігерлік жол апатынан бүтін бір отбасының төрт адамы қаза болды. Екі жеңіл көлік соқтығысқан, - деп хабарлайды КТК телеарнасы.
Асқан жылдамдықпен келе жатқан Nissan жүргізушісі тізгінге ие бола алмай, қарсы беттегі Audi көлігін соққан. Соққыдан кейін көлік жолдан шығып, талға соғылған. Оқиға орнында ерлі-зайыпты, 70-тегі қария және 20 жастағы жігіт қаза тапқан.
Ал Nissan көлігі қатты соққыдан өртеніп кеткен. Оның жүргізушісі жарақат алып, емханаға жеткізілген. Тергеуді бастаған Жамбыл облысының полиция департаментінің өкілдері жол-көлік оқиғасын көрген куәгерлер болса хабарласуды сұрайды.