+7 (777) 001 44 99
Қазақша
Русский
English
13 мамырда кешкі уақытта Түркістан облысында толассыз жауған жаңбыр мен су деңгейінің көтерілуінің салдарынан ондаған үйді су басты, - деп хабарлайды Tengrinews.kz тілшісі ІІМ ТЖК ресми өкілі Нұрсұлтан Нұрахметке сілтеме жасап.
Төле би ауданы Екпінді ауылында Қасқасу өзенінің су деңгейі көтерілуіне байланысты төрт жеке үй мен 15 ауланы су басқан. Жоғарғы ауылында төрт автомобиль көпірін су қиратып кеткен.
Шымкенттің Еңбекшіқазақ ауданы Елтай ықшамауданында Төле би ауданынан келетін арықтардан су тасып, 60 ауланы су басып қалған. Құтқарушылар, полицейлер және жергілікті атқарушы орган қызметкерлері тұрғындарды Тоғыс ауылындағы №120 және №119 орта мектептеріне эвакуациялаған.
Су сору және арықтарды механикалық тазалау жұмыстары жүріп жатыр. Жедел штаб құрылған.
Otyrar.kz басылымының мәліметінше, Елтай тұрғын үй массивінде 150 тұрғын эвакуацияланған, шамамен 150 тұрғын туыстарының үйін паналаған. ТЖД мобиль топтары елді мекен тұрғындарын дыбыс зорайтқышпен эвакуация туралы хабардар етті.
"Үй аулаларындағы су деңгейі - 20-50 сантиметр. Қазіргі уақытта су ағыны секундына 3-5 текше метр", - делінген хабарламада.
Басылымның мәліметінше, Төле би ауданында ТЖ орнына аудан әкімі Бауыржан Омарбековтің бастамасымен құрылған жұмыс тобы жеткен. Көпірлерді қалпына келтіру жұмыстары жүріп жатыр.
Шымкент маңындағы Сұлтан Рабат ауылында да су деңгейі көтерілген, жолдарды су басқан. Бұл туралы куәгерлер хабарлап жатыр. Осындай жағдай Леңгірде де болып жатқаны айтылады. Ал Қазығұрт ауданы Жігерген ауылдық округінде үйлерді су басқан.
Посмотреть эту публикацию в Instagram
Қазақстан жаңалықтары. Соңғы жаңалықтар. Telegram желісінде бізге жазыл!
