+7 (777) 001 44 99
ПОДЕЛИТЬСЯ
Түркістан облысында жеті көлік соқтығысты, - деп хабарлайды Tengrinews.kz тілшісі облыстық полиция департаментіне сілтеме жасап.
Түркістан облысында жеті көлік соқтығысты, - деп хабарлайды Tengrinews.kz тілшісі облыстық полиция департаментіне сілтеме жасап.
Полицейлердің мәліметінше, 25 қарашада сағат 13:00 шамасында Сарыағаш ауданына қарасты Алматы-Термез тасжолында жол апаты болған. 7 автокөлік Volvo, Toyota, "Газель", Chevrolet, "ВАЗ" және Daewoo соқтығысқан.
Алдын ала болжам бойынша, жол-көлік оқиғасы ауа райының қолайсыздығы яғни асфальт бетінің мұзданып, тайғақ болуы салдарынан болған. Оқиға орнына тез арада өңірлік ПД мен Сарыағаш АПБ-нің қызметкерлері шықты. ЖКО-нан зардап шеккендер мен ауруханаға түскендер жоқ, автокөліктерге материалдық шығын келтірілген.
Сондай-ақ, полицейлердің мәліметінше, жүргізушілерге қатысты ҚР ӘҚБтК 610-бабы бойынша ("Көлік құралдары жүргізушілерінің жол қозғалысы ережелерін бұзуы, адамдардың денсаулығына зиян келтіруге, көлік құралдарының немесе өзге де мүліктің бүлінуіне әкеп соққан") 4 әкімшілік хаттама толтырылды.
