Ұзынағаш мектебінде оқушы баланы сабаған педагог өз ісін түсіндірді

Ұзынағаш мектебінде оқушы баланы сабаған педагог өз ісін түсіндірді, - деп хабарлайды "КТК" телеарнасы.

Тілшілердің мәліметінше, тәрбие ісінің орынбасары тәртіпке шақырылды. Алматы облысы Ұзынағаш ауылындағы мектепте шәкіртіне қатаң жаза қолданған ұстаз бейнеленген видео жарияланған соң бірқатар дерек анықталып отыр.

Мәселен ғаламторда тараған видео 2013 жылдың қараша айында түсірілген екен. Директордың тәрбие ісі жөніндегі орынбасары Замир Рахымбеков 8-ші сыныпта оқитын қыздың намысына тиетін қылық жасаған баладан бастапқыда кінәсін мойындауды сұрапты. Бірақ мәселе сөзбен шешімін таппаған соң қол көтеруге тура келді деп отыр ұстаз. Дегенмен мектеп басшылығы сол кезде таяқпен тәртіпке шақырмақ болған 27 жастағы тарих пәнінің мұғаліміне сөгіс жарияласа, 3 күн бұрын оған тағы қатаң ескерту жасалды.

"Мойындамағандықтан қол жұмсауыма тура келді. Бірақ сол кезде екі оқуышыны табыстырамын деп ойлағанмын. Аружан сол кезде маған жылап келмегенде бұндай жағдай болмас па еді. Мойындамаған кезде сондай жағдай болып қалды енді, ұстай алмай қалу. Әрине, ол менің кінәм. Ол мұғалімге жат нәрсе. Сол кезде бір қызбалық болып қалды", - деді телеарна тілшілері Шоқан Уәлиханов атындағы мектеп директорының орынбасары Замир Рахимбеков.

Дереккөз: "КТК" телеарнасы

Құқық қорғау органдары қазақша жаңалықтар сайты Балалар Білім беру Алматы облысы