Жамбыл облысында болған ірі жол апатынан зардап шеккендер Приозерск ауруханасынан шығарылды, - деп хабарлайды Tengrinews.kz тілшісі.
Еске салайық, Қарағанды - Тараз және Алматы - Астана бағыты бойынша жолға шыққан екі рейс автобусы Алматы - Екатеринбург жолының 397-ші шақырымында бетпе-бет соғысып, 4 адам қаза тауып, 30-ға жуық адам жарақат алған болатын.
"Приозерск қалалық орталық ауруханасы" КМКК басшысы Нұрлан Шәгіровтің айтуынша, түрлі жарақат алған 12 адам үйлеріне қайтарылды. Приозерск ауруханасынан шығарылған науқастар тұрғылықты мекен-жайына қарасты медициналық мекемелерде ем алып жатыр.
