1. Басты
  2. Біл
  3. Оқиға
  4. Тосын жай

Жамбыл облысында екі автобус бетпе-бет соғысты: 4 адам қаза тапты31 желтоқсан 2015, 17:14

Жамбыл облысында екі автобус бетпе-бет соғысты, 4 адам қаза тапты, - деп хабарлайды Tengrinews.kz тілшісі. 

Қарағанды - Тараз және Алматы - Астана бағыты бойынша жолға шыққан екі рейс автобусы Алматы - Екатеринбург жолының 397-ші шақырымында соғысты.  

Қарағанды облысының Санитарлық авиация өкілдерінің хабарына қарағанда, жол-көлік оқиғасы 2015 жылдың 31 желтоқсанында таңғы сағат 7.15-те болған. Ең жақын маңдағы күре жол апат орнынан 113 шақырымда. 

"Жол-көлік оқиғасының салдарынан төрт адам қаза тапты. Қарағанды облыстық Жол апаты медицинасының орталығының "Саршаған" пунктінің жедел әрекет ету бригадасы жарақат алған үш адамға қызмет етті. Олар Приозерск орталық ауруханасына жеткізілді", - деп хабарлады Қарағанды облысы жөніндегі санитарлық авиацияның координаторы Қуат Хайдаров.  

Ауруханаға жеткізілгендердің қатарында Тәжікстан азаматшасы, Астана тұрғыны және Қарағанды облысының тұрғыны бар. Үшеуі де орта деңгейдегі жарақат алған.


Елордада IT-кеңес құрылды