+7 (777) 001 44 99
Қазақша
Русский
English
Алматы облысының полиция қызметкерлері тауға кетіп, із-түссіз жоғалып кеткен 7 жасар Ернұр Сәдуақасовқа қатысты істің мән-жайын түсіндірді, - деп хабарлайды Tengrinews.kz тілшісі.
Құқық қорғау органдарының мәліметінше, бес бала үш атпен тауға қарай бет алған.
"Бұл балалар мал бағушылардың үйінде қонақта болған. Мал бағушы бірер минутқа балаларды жалғыз тастап кеткенде басқа шопан үйге кіріп, олардан "ұялы телефонын кім алды?" деп бір баланың жағасынан алған кезде басқа балалар жан-жаққа жапа-тармағай қаша жөнеліпті", - деп хабарлады ТЖД өкілдері.
Ведомостводағылардың айтуынша, сұрақ бір балаға ғана бағытталған. Нәтижесінде басқа балалар қорқып қашып кеткен.
"Төртеуі - бір жаққа қарай беттесе, Ернұр жалғыз өзі сайға қарай түсіп кеткен. Содан бері оны көрген тірі жан жоқ", - деп хабарлады полиция қызметкерлері.
Еске сала кетейік, осыған дейін Алматы облысында тауға барған 7 жасар баланың із-түссіз жоғалып кеткені хабарланған болатын.
Ернұр Сәдуақасовты құтқарушылар мен еріктілер төрт күн бойы іздестіріп жатыр жатыр. Әзірге бар тапқандары баланың аяқкиімінің бір сыңары ғана.
Ынтымақ ауылының тұрғындары Ернұрды сенбіден бері іздестіріп жүр. Олардың айтуынша бала қорқақ болатын, бөтен адамдармен сөйлеспейтін. 14 шілдеде жақындары жалғыз өзін ойнауға жіберген күні, бала іс-түссіз жоғалып кеткен.
