Әлемдік доп додасында Аргентина босниялықтарды тізе бүктірді

"Футболдан Бразилияда өтіп жатқан әлем чемпионатының топтық кезеңінде Аргентина құрамасы Босния және Герцеговина командасын тізе бүктірді" деп хабарлайды Tengrinews.kz Vesti.kz ақпарат құралына сілтеме жасап.

"Футболдан Бразилияда өтіп жатқан әлем чемпионатының топтық кезеңінде Аргентина құрамасы Босния және Герцеговина командасын тізе бүктірді" деп хабарлайды Tengrinews.kz Vesti.kz ақпарат құралына сілтеме жасап.

Рио-де-Жанейроның "Маракана стадионында" өткен ойын 2:1 есебімен аспан-көк жейделілердің пайдасына шешілді. Аргентина құрамасы ойынның үшінші минутында есеп бойынша алға шықты. Босниялықтардың қақпасына алғашқы доп өз командасының қорғаушысы Сеад Колашинацтің аяғына тиіп кірді. Ал ойынның 65-ші минутында Лионель Месси есепті еселеді. Босниялықтар 84-ші минутта бір қарымта гол соқты. Голдың авторы - Ведад Ибишевич.

12 маусымда басталған әлем чемпионаты 13 шілдеде аяқталады. Әлем біріншілігінің финалдық ойындарына 32 құрама қатысып жатыр. Қазақстандық көрермендер үшін ойындар KazSport, "Қазахстан" және "Евразия" Бірінші арнасы арқылы көрсетіледі.

"Әлемдік додада үздік шыққан команда - 35, екінші орын алған команда - 25, үшінші орын алған команда - 22 миллион доллар сыйақы алады" деп мәлімдейді РИА Новости ақпарат құралы. ӘЧ-2014 додасының фавориттері Бразилия (бұған дейін бес рет жеңімпаз болған), Италия (төрт рет жеңіске жеткен), Германия (үш рет), Аргентина (екі рет) және қазіргі әлем және Еуропа чемпионы Испания (бір рет).

Бразилия