+7 (777) 001 44 99
Қазақша
Русский
English
Бүгін 27 шілдеде "Астана" футбол клубы шотландиялық "Селтикпен" алғашқы ойынды өткізеді, - деп хабарлайды Vesti.kz.
Командалар арасындағы кездесу "Астана Арена" алаңында өтеді. Ойын Астана уақыты бойынша сағат 20.00-де басталады деп жоспарланды. Айта кетейік, бүгін өтетін ойынға байланысты Астанада көлік козғалысы тоқтатылады.
"Астана" - "Селтик" футбол командаларының ойыны KazSport телеарнасында тікелей эфирде көрсетіледі. Сондай-ақ, ойынды телеарнаның ресми сайтынан көруге болады.
Осыған дейін "Астана" ФК бас бапкері Чемпиондар лигасының үшінші іріктеу кезеңінде қазақстандық клуб пен "Селтик" арасында болатын ойынның қарсаңында мәлімдеме жасап, қарсылас команданың фаворит екендігін айтқан болатын. "Біз ертең қиын ойын болатынын білеміз. Қорғаныста сақ ойнау қажет. Егер өз алаңымызда қақпаға доп жібермей, қарсылас командаға гол соғар болсақ, жақсы нәтиже болады. Жарақатына байланысты осы ай бойында алаңға шықпайтын Таңат Нөсербаевтан басқа ешқандай қиындық жоқ. "Селтикке" "Астанамен" болатын ойын маңызды. Олардың "Лестер" және "Барселонамен" өткізген ойыны - достастық кездесулер, ал бізбен басқаша ойнайтын болады. Менде бұл команда туралы жеткілікті мәлімет бар. Ертең не боларын көрерміз", - деді ол.
