EURO-2020: 14 маусымда кімдер ойнайды және матчтерді қайдан көруге болады?

Бүгін, 14 маусымда, футболдан Еуропа чемпионатының тағы үш матчы өтеді, - деп хабарлайды Tengrinews.kz тілшісі.

Бүгінгі матчтер:

• Шотландия - Чехия (басталуы - Нұр-Сұлтан уақытымен 19.00-де)
• Польша - Словакия (22.00)
• Испания - Швеция (01.00)

Алғашқы екі ойынды Qazsport тікелей эфирде көрсетеді. Трансляцияны телеарнаның ресми сайтынан көруге болады. Ал үшінші матчті Qazaqstan телеарнасы көрсетеді.

Еске салайық, 13 маусымда EURO-2020 турнирінің С мен D тобындағы ойындар өткен. Англия құрамасы Хорватияны 1:0 есебімен жеңген. Ал Австрия Солтүстік Македониядан (3:1) басым түскен. Украина мен Нидерланды (2:3) матчінде бес гол соғылған еді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!