Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Футзалдан Қазақстан құрамасы әлем чемпионатына барады

13 Сәуір 2016, 09:26
0
© fckairat.kz
© fckairat.kz

Футзалдан Қазақстан ұлттық құрамасы Колумбияда өтетін әлем чемпионатына жолдама жеңіп алды. Отандастарымыз қарымта ойында Польша құрамасын 7:0 есебімен ойсырата жеңді.

Қазақстан құрамасы ойынды аса ширақ бастады. Қарсыластарына барынша қысым жасай білген отандастарымыз нәтижені көп күттірмеді. Қақпашы Игитаның шапшаң қимылы поляк ойыншыларын сан соқтырды. Шабуылын үдеткен Какау шәкірттері мұнымен тоқтап қалған жоқ. 5 минутта Қазақстан құрамасы кезекті жүйелі шабуылының нәтижесінде. Серік Жаманқұлов есепті 2:0-ге жеткізді. Ойын жүйесін өзгертпек болған поляктар қазақстандық ойыншылардың жылдам шабуылдарына ілесе алмады. Бірінші тайм аяқталғанша Дуглас пен Жаманқұлов дубль авторы атанды.

Екінші таймда Польша құрамасының ойыншылары қорғанысқа баса назар аудара бастады. Ойын біршама бәсеңсіп, қос құрама қорғаныста сауатты ойнай бастады. Десе де Қазақстан құрамасының ойыншылары шабуылда қауқарлы екенін байқата білді. 26 минутта Лео есепті 6:0-ге жеткізсе, араға 4 минут сала Арнольд Кнауб поляктар қақпасына 7-голды соқты. Нәтижесінде қос ойын қорытындысы бойынша Қазақстан құрамасы поляктарды 8:1 есебімен жеңіп, Колумбияда өтетін әлем чемпионатына жолдама жеңіп алды. 

Айта кетейік, Қазақстан құрамасы әлем чемпионатына араға 16 жыл салып жолдама алып отыр. Дода 10 қыркүйек пен 2 қазан аралығында Колумбияда өтеді.

© Massaget.kz


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай