Хави "Барселонаның" бас бапкері болды

Испания маманы Хавьер Эрнандес Креус (Хави) "Барселона" футбол клубының бас бапкері болып тағайындалды. Бұл туралы хабарлама клубтың Twitter-парақшасында пайда болды, - деп хабарлайды Tengrinews.kz тілшісі.

Бұқаралық ақпарат құралдары мәліметінше, клубтың жаңа бапкерімен келісім 2024 жылдың жазына дейін жасалған. Хави демалыс күндері Барселонаға келеді деп күтіледі, ал клуб 8 қарашада баспасөз мәслихатын өткізеді.

Бұған дейін "Барселона" бас бапкері Рональд Куман отставкаға кетті. "Барса" "Райо Вальеканодан" 0:1 есебімен жеңіліп қалғаннан кейін голландиялық маман қызметінен кеткен еді.

"Барселонаның" бұрынғы футболшысы Хави қазір Катарда "Аль-Садд" командасын жаттықтырып жүр. Ол каталониялықтардың сапында 505 ойын өткізіп, 58 гол соққан.

Сілтемесіз жаңалық оқисыз ба? Онда Telegram желісінде парақшамызға тіркеліңіз!