"Қайрат" ФК Андрей Аршавиннің клубтан кеткенін хабарлады

05 Қараша 2018, 16:47
0
"Қайрат" ФК Андрей Аршавиннің клубтан кеткенін хабарлады -

Алматылық "Қайрат" футбол клубы ресми сайтында ресейлік 37 жастағы жартылай қорғаушы Андрей Аршавиннің командадан кеткенін хабарлады. 

"Қарағандылық "Шахтермен" матчта клуб және жанкүйерлер оңтүстік астананың барлық тұрғындарын тәнті еткен футболшы Андрей Аршавинді алматылық клуб сапындағы жарқын карьера үшін алғыс айтады", - делінген хабарламада.

"Қайрат" - "Шахтер" ойыны 11 қарашада Қазақстан премьер-лигасының қорытынды 33-ші туры аясында өтеді.

"Қайрат" сапында Андрей Аршавин 2016 жылдың наурызынан бері ойнап келеді. Алматылық команда үшін ол барлық турнирлерде 107 матч өткізіп, 37 нәтижелі пас берді және 30 гол салды. Сонымен бірге, 13 сары қағаз бен бір рет қызыл қағаз алған. Ресейлік футболшы екі рет чемпионаттың күміс жүлдегері атанды, Қазақстанның кубогы мен Суперкубогын иеленген. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай