+7 (777) 001 44 99
ПОДЕЛИТЬСЯ
Футболдан Қазақстан құрамасы өз алаңында Украинамен тең түсті, - деп хабарлайды Tengrinews.kz тілшісі.
Футболдан Қазақстан құрамасы өз алаңында Украинамен тең түсті, - деп хабарлайды Tengrinews.kz тілшісі.
2022 жылғы әлем чемпионатының іріктеу кезеңі аясындағы ойын Нұр-Сұлтанда өтті. Матч 2:2 есебімен аяқталды.
Кездесу жылдам голмен басталды. 2-минутта украиналық Роман Яремчук допты кеудесімен тоқтатып алып, алыстан дәл соққы жасады - Стас Покатилов шарасыз қалды. Бірінші таймда қонақтардың бірнеше соққысы қақпа бағанасына тиді.
Ал екінші таймда қазақстандықтар белсендірек ойнады. 68-минутта Абат Айымбетовтің голы есепке алынбады - форвард офсайдта қалған. Дегенмен араға алты минут салып, Руслан Валиуллин таразы басын теңестірді. Кездесу соңына қарай Айымбетов қақпашымен бетпе-бет шыққан, бірақ тәжірибелі голкиперден айласын асыра алмады.
Ал матчтің соңғы минуттарында Украина қазақстандықтардың айып алаңындағы қарбаластан кейін гол соғып, тағы да алға шықты. Бірақ ойын мұнымен бітпеді - қосымша уақытта Руслан Валиуллин тағы бір гол салып, есепті теңестіре алды. Қорытынды есеп - 2:2.
Айта кетейік, ӘЧ-2022 іріктеу кезеңінде Қазақстанда үш ойыннан кейін екі ұпай бар. Ал Украина құрамасы төрт матчтен кейін төрт ұпай еншіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
