1. Басты
  2. Біл
  3. Спорт
  4. Футбол

Қазақстан Премьер-лигасының деңгейі Гондурастан да төмен

Қазақстан Премьер-лигасы. Сурет Vesti.kz сайтынан Қазақстан Премьер-лигасы. Сурет Vesti.kz сайтынан
Футбол тарихы мен статистикалары халықаралық федерациясы (IFFHS) ұлттық біріншіліктердің рейтингтерін түзді, деп хабарлайды Vesti.kz сайтына сүйенген Tengrinews.kz.. Аталмыш рейтингте Қазақстан Премьер-лигасы Гондурас чемпионатынан да төмен орналасыпты.
Дегенмен, өткен жылғы рейтингпен салыстырғанда биыл Премьер-лигамыз жағдайын біршама жақсартыпты. Нақты айтсақ, 104-ші сатыдан 83-орынға дейін көтерілген. Ал Гондурас футбол чемпионаты IFFHS рейтингінде 82-орынға табан тірепті. Жалпы, ең үздік футбол лигасы болып әлем бойынша биыл төртінші рет Испания La-лигасы танылып отыр. Екінші орында Англия Премьер-лигасы болса, үздік үштікті Германия Бундеслигасы қорытындылады. Өткен жылы 19-сатыдан көрінген Ресей Премьер-лигасы биыл алдына әлгі үштіктен бөлек, Италия, Бразилия, Аргентина және Франция чемпионаттарын жіберіп, 8-орынға көтеріліпті. IFFHS тұжырымы бойынша ұлттық біріншіліктердің ТОП-125 рейтингі: 1 (1)*. Испания - 1155,00 ұпай, 2 (5). Англия - 1128,00, 3 (3). Германия - 1056,00, 4 (4). Италия - 927,00, 5 (2). Бразилия - 896,00, 6 (6). Аргентина - 868,00, 7(7). Франция - 796,00, 8 (19). Ресей - 739, 50, 9 (21). Колумбия - 724,50, 10 (14). Румыния -722,50, ...82 (77). Гондурас - 253,50 ...83 (104). Қазақстан - 252,50. *Ескерту: Жақшаның ішінде өткен жылғы көрсеткіштері.