Қазақстанның футболдан жартылай қорғаушысы Ұлан Қонысбаев Қытай командасымен жолдастық кездесуде ауыр жарақат алды, - деп хабарлайды Vesti.kz.
Оқиға бірінші таймның соңында болды. Қонысбаев әуелеп келе жатқан допқа таласта жерге қате түсіп, оң аяғын сындырып алды.
"Атырау" футбол клубының ойыншысын жедел жәрдем қызметкерлері ауруханаға жеткізді. Спорт порталының мәліметінше, Қонысбаев енді маусымның соңына дейін ойнай алмауы мүмкін.
Айта кетейік, Қытайда өткен матчта Қазақстан құрамасы 1:0 есебімен жеңіске жетті. Азат Нұрғалиев Қытай командасының қақпасынабаспен гол соқты.
