20 қараша 2020 15:50

Қарды ерітіп ішіп жатыр. СҚО-да ауыл тұрғындары сусыз отыр

ПОДЕЛИТЬСЯ

© Тұрар Қазанғапов © Тұрар Қазанғапов


Солтүстік Қазақстан облысының Мамлют ауданында орналасқан Становое ауылында барлығы 197 адам тұрады. Мұндағы тұрғындар үшін ең маңызды мәселе - су. Біріншіден, су күн сайын берілмейді екен, екіншіден, судың сапасы күмәнді. Tengrinews.kz тілшілері сол ауылға барып, жергілікті тұрғындармен сөйлесіп қайтты.

Ауылға URAN республикалық қозғалысының белсенділері де келді. Іс жүзінде жағдай әлдеқайда нашар екені белгілі болды.

Тұрғындардың бірі ауылдағы су проблемасын қалай шешетінін айтты. Ол аулаға шығып, шелекке қар толтырып, оны пешке қойып қояды екен.

Айта кетейік, ол төрт баланың анасы. Отбасы ескі үйде тұрады.

Жергілікті тұрғындардың айтуйынша, оларға осыдан екі жыл бұрын су құбыры орнатылған, алайда ол кейде істейді, кейде істемейді екен. Оны ішуге ешкімнің де батылы жетпейді дейді.

"Тот басқан, лас су" дейді қоғам белсенділерімен кездесуге келген әйелдер.

"Ал қазір су бар ма?" деп сұрады келгендердің бірі.

"Әлі ерте" деп жауап берді ауыл тұрғындары.

Мұнда су күн сайын емес және белгілі бір уақытта ғана қолжетімді екені белгілі болды. Жұмысқа шығып бара жатқанда су болмайды, жұмысқа кеткен соң да су келмейді, үйге келсе де су жоқ дейді.

"Су мәселесі бітпейтін проблема, өйткені магистраль ескі, мемлекет ақша бөледі, бірақ қандай да бір себептермен ақша игерілмейді. Су бірде бар, бірде жоқ, тот басып қалған, қызыл су ағады", - дейді Светлана Гуменик.

Мамлют ауданының әкімі Владислав Лукин осы жағдайға қатысты пікір білдірді.

"Ауылды сумен жабдықтауға уақтылы қосу үшін, атап айтқанда "Есіл су" РМК жүйелеріне қосу үшін бюджет қаражаты бөлінді. Осы жылы біз он ауылда осы жұмысты жүргіздік. Бірақ, өкінішке қарай, бүгінгі таңда "Есіл су" РМК міндеттемелерін орындамады, магистралды су құбыры жоқ. 2021 жылға ауыстырылды", - деді әкім.

Оның айтуынша, тұрғындар қандай да бір су алуы үшін апат жағдайда тұрған су құбырына қосылу туралы техникалық шешім қабылданды.

Бір қызығы, Uran қозғалысының белсенділері Становое ауылына барған күні мектепте су болған.

Жергілікті тұрғындар бұл жағдайға таңғалды. Олар су URAN белсенділері ауылға баспасөз өкілдерімен және блогермен келгендіктен пайда болды деп болжап отыр. Біраз уақыттан кейін тұрғындар судың қайтадан жоқ болып қалғанын айтқан. Олар мұны видеоға түсіріп жібергісі келген, бірақ ол әлі жеткен жоқ. Себебі ауылда байланыс нашар.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети