Алматылық студенттер роботтехника бойынша стартап жобалар жасайды

07 Желтоқсан, 18:19
1

Қазақ мемлекеттік қыздар педагогикалық университетінің жас ғалымдары робототехника бойынша стартап жобалар жасауды қолға алады, - деп хабарлайды Tengrinews.kz тілшісі. Бұл туралы университеттің Баспасөз орталығының басшысы Жандар Асан мәлімдеді.

Оның айтуынша, оқу орнының базасында осы тарапта ғылыми-зерттеу жұмыстарын жүргізуге бағытталған арнайы секциялық үйірмелер құру да көзделіп отыр. Онда университет ғалымдары роботтехника бойынша өңірдегі жоғары оқу орындарының білімгерлері мен мектеп оқушыларын заманауи зертханалық жұмыстарға тартып, олардың ғылыми әлеуетін көтермек. Мақсат - жастардың роботтехника бойынша ғылыми-техникалық шығармашылық қабілетін дамыту.

"Бұған Қыздар университетінің материалдық-техникалық базасы толық мүмкіндік береді. Физика-математика факультетінің жанындағы "Роботтехника" зертханасы түрлі роботтармен, оқу-әдістемелік және бағдарламалық  нұсқаулықтармен жабдықталған", - делінген хабарламада.

Аталған зертхана нақты екі мақсат бойынша жұмыс істейді. Біріншіден, қазіргі күнде орта білім саласы үшін заманауи біліктілігі жоғары, бәсекелестік қабілеті мықты маман даярлау міндеті тұр. Бүгінде еліміздің барлық орта білім беру мекемелері Назарбаев Зияткерлік мектептерінде бастау алған STEAM білім беру технологиясын жүзеге асыруды көздеп отыр. Осы талаптарға сай маман оқытып шығару мақсатындағы алғашқы қадам роботтехника зертханасының ашылуы. Екіншіден, қазір ақпараттық технологиялардың қарыштап дамыған уақыты. Бұл бағытта бүгінде әлемде қарқынды жұмыстар жүргізіліп жатыр. Бір ғана Азияда бес миллионға жуық мектеп оқушысы роботтехникамен айналысып жатқандығы көп нәрседен хабар беріп тұрғаны айтпаса да түсінікті. Өзге елдердегі жаңалық ашқан ғалымдардың табысына қайран қалып жатамыз. Олар қалай меңгеріп, қайдан үйренді дейсіз. Шетелде мұның барлығы мектепте басталады. Ұстаздар оқушыларға үйретеді. Жастайынан ойыншық құрастырған бала өсе келе робот, басқа да жаңалық ашып, дүниені таңқалдырып жатады. Құрастырмамен айналысқан баланың ойлау қабілеті де ерекше болады.

Студенттер теория мен тәжірибені ұштастыра алады. Сонымен қатар заманауи құралды терең меңгере түседі. Бір бұл ғана емес. Компьютерлік бағдарламалар арқылы жұмыс істейтін бөлшектерден түрлі роботтар жасауға болады. Бұл - шығармашылықтың тың түрімен айналысуға мүмкіндік береді.

"Робот техникаларымен жұмыс істеу баланың ойлау қабілетін дамытып, өзге пәндерді де жақсы меңгеруіне септігін тигізеді. Университет студенттері құрастырмалы бөлшектерден арнайы бағдарлама арқылы өздігінен жүретін түрлі роботты көліктер, түрлі кедергілер кездессе де өз бағытынан таймайтын танкілерді құрастыруды үйренуде. Олар бастапқыда шағын машиналар құрастырып, кейіннен күрделі бағдарламаларға көшеді. Мақсат -болашақ педагог мамандарға робот техникаларын құрастыруды жете таныстыру, заманауи технологиялармен жұмыс істеуге машықтандыру", - дейді университет Баспасөз орталығының жетекшісі.

Получить короткую ссылку

Тегтер:

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай