Apple жаңа гаджеттерін таныстырды 09 наурыз 2022, 09:12
Купертинода Apple компаниясының жыл сайынғы көктемгі тұсаукесері өтті. Компания 5G арқылы жұмыс істейтін жаңа iPhone SE, Mac компьютерлері және басқа да құрылғыларын ұсынды, - деп хабарлайды Tengrinews.kz тілшісі.
Тұсаукесер басында Apple басшысы жасыл iPhone 13 және 13 Pro ұсынды. Енді iPhone 13 моделінің алты түсі бар. Смартфондар 18 наурыздан бастап АҚШ-та қолжетімді болады.
Сондай-ақ, 5G арқылы жұмыс істейтін iPhone SE, M1 чипі бар iPad Air, Apple Silicon M1 Ultra ең өнімді чипі, Mac Studio ықшам компьютері және Studio Display мониторы ұсынылды.
Толық рәсімді YouTube-тегі Apple арнасынан көруге болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!