Қазақстанда тегін дәрі-дәрмектердің жаңа тізбесі бекітілді

Фото:depositphotos.com

Қазақстанның Денсаулық сақтау министрі 2026 жылғы 25 мамырда азаматтардың жекелеген санаттары амбулаториялық жағдайда тегін немесе жеңілдікті шарттармен ала алатын дәрілік заттар мен медициналық бұйымдар тізбесінің жаңа редакциясын бекітті, - деп хабарлайды TengriHealth.

Не өзгерді?

Түзетулер Денсаулық сақтау министрінің 2021 жылғы 5 тамыздағы "Қазақстан Республикасы азаматтарының белгілі бір аурулары (жай-күйлері) бар жекелеген санаттарын тегін және (немесе) жеңілдікті амбулаториялық қамтамасыз етуге арналған дәрілік заттардың және медициналық бұйымдардың тізбесін бекіту туралы" бұйрығына енгізілді.

Құжатқа сәйкес, қолданыстағы тізбе жаңа редакцияда мазмұндалады.

Тізбеге не енді

Жаңа тізімге мыналар кіреді:

Тегін медициналық көмектің кепілдік берілген көлемі шеңберіндегі дәрілік заттар;
Тегін медициналық көмектің кепілдік берілген көлемі шеңберіндегі медициналық бұйымдар мен мамандандырылған емдік өнімдер;
Ересектерге арналған міндетті әлеуметтік медициналық сақтандыру жүйесіндегі дәрілік заттар;
Ересектерге арналған міндетті әлеуметтік медициналық сақтандыру жүйесіндегі медициналық бұйымдар;
18 жасқа дейінгі балаларға арналған міндетті әлеуметтік медициналық сақтандыру жүйесіндегі дәрілік заттар;
18 жасқа дейінгі балаларға арналған міндетті әлеуметтік медициналық сақтандыру жүйесіндегі медициналық бұйымдар.

Тізбеге пациенттерге арналған препараттар мен медициналық бұйымдар енді. Олардың ішінде:

қан айналымы жүйесінің аурулары;
тыныс алу мүшелерінің аурулары;
тері және тері асты шелмайының аурулары;
ас қорыту мүшелерінің аурулары;
қан және қан түзуші мүшелердің аурулары;
эндокриндік жүйе аурулары, тамақтанудың бұзылуы және зат алмасудың бұзылуы;
сүйек-бұлшықет жүйесі мен дәнекер тін аурулары;
жүйке жүйесінің аурулары және т.б.

Бұйрықтың орындалуын бақылау денсаулық сақтау вице-министріне жүктеледі.

Құжат ресми жарияланғаннан кейін 2027 жылғы 1 қаңтардан бастап қолданысқа енгізіледі.

Тегін дәрі-дәрмектер мен медициналық бұйымдардың толық тізбесімен мына жерде танысуға болады.

ДСМ диабетті әлеуметтік маңызы бар аурулар тізіміне қайтаруы мүмкін

ДСМ қазақстандықтардың дәрі-дәрмек тапшылығына қатысты шағымдарына жауап берді

ДСМ Қазақстанда дәрі-дәрмек бағасы өскені туралы хабарламаларға жауап берді

Дәрі-дәрмек Денсаулық тегін емдеу

Қазақстанда тегін дәрі-дәрмектер мен медициналық бұйымдардың жаңа тізімі бекітілді: не өзгереді?

Не өзгерді?

Тізбеге не енді