"Барыс" Қазақстан Президентінің кубогын жеңіп алды

13 Тамыз 2015, 22:38
0
© Тұрар Қазанғапов
© Тұрар Қазанғапов
© Тұрар Қазанғапов
© Тұрар Қазанғапов
© Тұрар Қазанғапов
© Тұрар Қазанғапов
© "Барыс" ХК
© "Барыс" ХК

Астананың "Барыс" хоккей клубы турнирдің финалында Владивостоктың "Адмирал" командасын жеңіп, Қазақстан Президентінің кубогын жеңіп алды, - деп хабарлайды Vesti.kz.

Астанада өткен кездесу 3:2 есебімен аяқталды. Матчта есепті екінші кезеңнің басында елордалық клубтың ойыншылары ашты. "Барыс" капитаны Брэндон Боченский көзге түсті. Бұдан кейін "Барысқа" бір ойыншыға кем ойнауға тура келді: бұл екі минутта команда қақпаны сәтті күзете білді, алайда келесі шабуылда "Адмирал" Константин Макаровтың шайбасы арқылы есепті теңестірді.

Айдын иелерінің шабуылдарының бірінде "Адмирал" хоккейшілері бір ойыншыға кем ойнап, "Барыс" бұл мүмкіндікті пайдаға асыра білді. Талғат Жайлауовтың шайбаны дәл өткізіп беруінен Евгений Рымарев командасын алға шығарды. Алайда "Адмирал" хоккей клубы Максим Маминнің соққысынан кейін есепті тағы да теңестірді - 2-2. 

Нәтижесінде командалар жеңімпазды овертаймда анықтайтын болды, бұл кезде жеңіске қазақстандық команда жетті. Жайлауовтың әдемі пасынан шайба Роман Старченкоға дәл келіп, ол өз кезегінде "Барысты" Қазақстан Президенті кубогында жеңіске жеткізді. Толығырақ мына жерден оқи аласыздар.

Еске сала кетейік, кеше, 12 тамызда "Барыс" пен "Адмирал" топтық кезең аясында кездескен болатын. Сол кезде де жеңісті елордалық команда қанжығасына байлаған еді (2:1).

© Тұрар Қазанғапов


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай