"Барыс" ресейлік "Автомобилист" командасын тізе бүктірді

07 Желтоқсан 2016, 23:08
0
© ВКонтакте
© ВКонтакте

Құрлықтық хоккей лигасында бақ сынайтын "Барыс" сырт алаңда Екатеринбургтің "Автомобилист" командасын ұтты. Ойында қазақстандық клуб қарсыластарынан 4:3 есебімен басым түсті, - деп хабарлайды Мassaget.kz.

Бірінші кезеңде "Барыс" мұз айдын иелерін екі шайба басымдығымен ұтып шықты. 7 минутта Иван Кучинмергендігімен көзге түссе, 12 минутта Роман Старченко шайба авторы атанды.

Екінші кезеңде командалар екі-екі шайбадан соқты. "Автомобилист" сапынан Артем Гареев пен Алексей Симаковкөзге түссе, "Барыстан" Кори Тривино мен Константин Пушкаревтің нәтижелі соққылары есепке алынды.

Үшінші кезеңде мұз айдын иелері сапынан Артем Гареев дубль авторы атанып, есепті қысқартты. Одан кейінгі аралықта есеп өзгермеді. Нәтижесінде "Барыс" плей-офф кезеңіне шығудағы басты қарсыласын ұтып, маңызды ұпайын иеленді.

Елордалық ұжым келесі ойынын 9 желтоқсан күні Ханты-Мансийскіде "Югра" командасына қарсы өткізеді. Ойынды "KazSport" арнасы тікелей эфирде көрсететін болады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай