1. Басты
  2. Біл
  3. Хоккей

Олимпиаданың соңғы алтыны Канада хоккейшілеріне бұйырды

Олимпиаданың соңғы алтыны Канада хоккейшілеріне бұйырды Олимпиаданың соңғы алтыны Канада хоккейшілеріне бұйырды
Сочидегі қысқы Олимпиаданың соңғы алтын медальін канадалық хоккейшілер еншіледі, олар қорытынды матчта Швеция құрамасын 3:0 есебімен ойсырата ұтты деп хабарлайды Vesti.kz. Хоккейшілердің кездесуі 23 ақпанда кешкісін KAZsport телеарнасынан тікелей эфирден көрсетілді. Бұл - Канада құрамасының хоккейден Олимпиада ойындарындағы тоғызыншы алтыны. Мұндай көрсеткішімен канадалықтар совет және ресейлік хоккейшілердің алдын орап кетті.
Сочи Олимпиадасының қола медальі финндерге бұйырды. Олар үшінші орын үшін таласта америкалықтарды 5:0 есебімен тақыр, таза жеңді. Осылайша Сочи Олимпиадасы ойындары аяқталды. Қазақстан құрамасы мәнерлеп сырғанаушы Денис Тен жеңіп алған бір қола жүлдемен медальдық есепте 26-орынды иеленді. Бірінші орын соңғы екі күнгі жарыста суырылып алға шыққан ресейлік командаға бұйырды. Ресейдің қанжығасында 13 алтын, 11 күміс және 9 қола медаль бар. Екінші және үшінші орында - Норвегия (11,5,10) мен Канада (10,10,5). Сочи Олимпиадасы ойындарының жабылу салтанатын "Хабар" телеарнасынан бүгін Астана уақытымен 22:00-де тамашалай аласыздар.