Instagram әлеуметтік желісі жаңа қызметпен толықты, - деп хабарлайды 24.kz.
Instagram желісіндегі көңілге тиетін дөрекі әрі жағымсыз пікірлер бұғатталады. Бұл туралы Instagram қызметінің өкілдері хабарлады. Жаңа функцияның көмегімен желі қолданушысы дөрекі деген сөздердің тізімін жасайды. Нәтижесінде жүйе автоматты түрде жарияланған пікірлерді тексеріп, қолданушы тыйым салған сөздері бар жағымсыз пікірлер өшіріліп тасталады.
Айта кетейік, осыдан бір ай бұрын Snapchat желісі секілді Instagram енді суреттер мен видеоларды және слайд-шоуларды 24 сағат уақытқа салуға болатыны айтылған еді.
