iPhone 14 қашан шығатыны белгілі болды 25 тамыз 2022, 17:36
Apple компаниясының күзгі таныстырылымы 7 қыркүйекте Нұр-Сұлтан уақытымен сағат 23.00-де өтеді, - деп хабарлайды Tengrinews.kz тілшісі компания сайтына сілтеме жасап.
Іс-шара Apple Park кампусындағы "Стив Джобс театрында" өтеді.
Apple тұсаукесерде iPhone 14 смартфондар желісін және Apple Watch Series 8 смарт-сағатын таныстыруы керек. Сонымен қатар, компания iOS 16 және басқа микробағдарламалардың шығу күнін жариялайды.
Сонымен қатар, Apple тұсаукесер аясында Apple Watch SE 2 және Apple Watch Pro-ны таныстыруы мүмкін. Бұл туралы бұрын Bloomberg сарапшысы Марк Гурман хабарлаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!