Telegram мессенджері ДАИШ материалдарын таратты деген күдікке ілінді

03 Наурыз 2016, 10:00
0
Telegram мессенджері ДАИШ материалдарын таратты деген күдікке ілінді - © akket.com
© akket.com

Ресейдегі қоғам белсенділері Бас прокуратура мен Рескомбақылаудан Telegram мессенджерін ДАИШ (Қазақстанда тыйым салынған) материалдарын тарату деректерін тексеруді сұрады, - деп хабарлайды "Известия".

Ұлтаралық үйлесімділік және дінаралық қатынастар жөніндегі қоғамдық палата комиссиясының төраға орынбасары Максим Григорьевтің айтуынша, мессенджерде жарылғыш заттарды жасау жолы, диверсиялық жұмыс бойынша көмекші құралдар еш кедергісіз таралып жатыр. Оның мәлімдеуіне қарағанда, Telegram басшылығы бұл мәліметтердің таратылуын тоқтату бойынша шараларды жүргізуден бас тартып отыр. Айта кетейік, бұл мессенджер - "ВКонтакте" желісінің экс-басшысы Павел Дуровтың жобасы.

Осындай сауалды Рескомбақылауға "МедиаГвардия" басшысы Кирилл Гринченко да жолдады. Оның мәліметінше, соңғы уақытта әлеуметтік желіде лаңкестік ұйымдардың қызметін насихаттайтын шамамен 200 аккаунт тіркелген. Гринченко лаңкестік және экстремистік мазмұндағы топтар мен аккаунттардың сілтемесі көбінде "ВКонтакте" желісінде бар екенін және тағы да 10 шақты сілтеменің Telegram мессенджерінде табылғанын айтты. 

Айта кетейік, Telegram өкілдері болса барлық өтінішпен жұмыс істеуге дайын екенін мәлімдеп отыр. "Егер бұл арналар шын мәнінде экстремистік болса, оларға шағым түсіру керек, сондай шағымдардан кейін олар құлыпқа түседі. Алайда оған прокуратура түсірді ме, мектеп оқушысы түсірді ме - айырмашылығы жоқ", - деп хабарлады Telegram басшылығы.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай