WhatsApp кейбір смартфондарда істен шығады 31 желтоқсан 2019, 14:35
2020 жылдың 1 қаңтарынан бастап WhatsApp мессенджері iOS және Android операциялық жүйелерінің ескі нұсқаларында істен шығады. Бұл туралы бағдарламаның қолдау орталығының парақшасында жазылған, - деп хабарлайды РИА Новости.
Қосымшаның жұмыс істеуі үшін Android-та 4.0.3 және одан жоғары, ал iOS-та 9, KaiOS-та 2.5.1 және одан жаңасы болуы тиіс.
Девайстарда ескі нұсқалар болған жағдайда WhatsApp қолданушылары қосымшада тіркеле алмайды және өзінің қазіргі аккаунтында пайдалан алмайды.
Компания ескі смартфондар үшін жаңа жүйе құрастырмайды, сол себепті кейбір қосымшалар кез келген уақытта істен шығуы мүмкін.
Хабарламада 31 желтоқсаннан бастап Windows Phone қолданушылары мессенджерді пайдалану мүмкіндігінен айырылғаны айтылады.