Тұңғыш Президент күніне орай Алматыда мәдени және спорттық шаралар өтеді, - деп хабарлайды Tengrinews.kz тілшісі.
Алматы қаласының Мәдениет басқармасы 1 желтоқсанға арналған мәдени іс-шаралар тізімін жариялады.
Сағат 11.00-де Республика сарайында Алматы қаласы әкімі қатысатын "Елбасы. Жастар. Болашақ" іс-шарасы, сондай-ақ Тұңғыш Президент күні аясында гала-концерт өтеді.
Сағат 18.00-де Абай атындағы Қазақ ұлттық опера және балет театрында белгілі скрипкашы Марат Бисенғалиевтің "Алматы - тәуелсіздік бесігі" атты концерті өтеді.
30 қараша мен 4 желтоқсан аралығында Тәуелсіздіктің 30 жылдығы мен Тұңғыш Президент күніне арналған "Қыран – 2021" республикалық турнирі өтеді.
1 желтоқсанда Тәуелсіздіктің 30 жылдығына арналған бокстан Олимпиада чемпионы Ермахан Ибраимовтың жүлдесі үшін дәстүрлі "Мықтылар турнирін" өткізу жоспарланған.
Сондай-ақ, 30 қараша мен 5 желтоқсан аралығында Тұңғыш Президент күніне арналған шаңғы жарысынан қаланың ашық біріншілігі өтеді.
Тұңғыш Президент күніне орай, қайырымдылық шаралары да өтеді. Алматы әкімдігі Halyk қорымен бірлесіп, 2 мың азық-түлік пакетін таратуды жоспарлап отыр.
Бұған дейін елордада Тұңғыш Президент күніне орай қандай іс-шаралар жоспарланғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
