Денсаулық сақтау министрі Ажар Ғиният Қазақстанда адамның иммун тапшылығы вирусы (АИТВ) инфекциясымен сырқаттанушылық екі есеге артқанын айтты, - деп хабарлайды Tengrinews.kz тілшісі.
Министрдің айтуынша, соңғы 10 жылдың ішінде Қазақстанда адамның иммун тапшылығы вирусының (АИТВ) инфекциясымен сырқаттанушылық екі есеге артты. Атап айтқанда 2013 жылғы 11,5-тен 2022 жылы 20,3-ке дейін. Жұқтырылған иммун тапшылығының синдромынан (ЖИТС) болатын өлім-жітім көрсеткіші 1,7 есеге төмендеген.
"2022 жылдың аяғында елде АИТВ-мен ауыратын 30 558 адам болса, 2022 жылы шамамен 3877 жаңа жағдай тіркелді", - деді министр Үкімет отырысында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
