+7 (777) 001 44 99
Қазақша
Русский
English
Қазақша
Русский
English
Биыл 13 мың шақырым жолды жөндеу жоспарланып отыр. Бұл туралы Үкімет отырысында көлік министрі Марат Қарабаев мәлім етті, - деп хабарлайды Tengrinews.kz тілшісі.
"Жөндеу жүргізілмегеніне 30 жылдан 50 жылға дейін болған жолдар, Петропавл - Жезқазған (703 шақырым), Қандыағаш - Шалқар (246 шақырым), Жаңаөзен - Түрішақырыменстан шекарасы (156 шақырым), Қарағанды - Аягөз - Боғас (452 шақырым) толық жөндеуден өтеді. Жаңа жобалар бойынша құрылыс маусымы басталғанға дейін мердігерлерді анықтау үшін конкурстық рәсімдер өткізіледі. 2025 жылдың қорытындысы бойынша республикалық жолдардың нормативтік жағдайы 94%-ды, ал жергілікті жолдарда - 91%-ды құрайды", - деді министр.
Өткен жылдары басталған ұзындығы 1,08 мың шақырым жобалардың: Қалбатау - Майқапшағай (405 шақырым), Күрті - Қонаев (67 шақырым), Қызылорда - Жезқазған (398 шақырым) және Ұзынағаш - Отар (42 шақырым) құрылысы жалғасып жатыр.
Министр мердігерлерді таңдау кезінде отандық компанияларға немесе шетелдік әріптестердің қатысуымен консорциумға артықшылық берілетінін, бұл қазақстандық құрылыс секторының одан әрі тұрақты дамуына ықпал ететінін атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
