1. Басты
  2. Біл
  3. Жаңалықтар
  4. Ел жаңалықтары

42 500 теңге алуға қалдырылған өтініштерді қарау мерзімі кешіктіріледі

42 500 теңге төлемге өтінімдерді қарау уақыты олардың көбінің бірнеше рет қайталануы себебінен кешіктіріл, - деп хабарлайды Tengrinews.kz тілшісі Еңбек және халықты әлеуметтік қорғау министрлігіне сілтеме жасап.

Министрлік мәліметінше, бастапқыда бұл өтінімдерді қарап, деректерді тексеру мерзімі 7 жұмыс күні деп белгіленген еді. 

ЭДегенмен біраз қазақстандық аталған қызметке бірнеше рет жүгінгендіі жөн көретіні байқалды. Мәселен 8 сәуір түнгі 11-дегі жағдай бойынша 3,1 миллион хабарламаның 1,3-і қайталанатын болып шықты. Барлық өтінім саналуан деректер қорында мұқият сүзгіден өтеді. Оның ішінде адамның аты-жөні, ЖСН мен банк шотының нөмірі, жұмысына қатысты мағлұматтар айрықша екшеледі", - дейді министрліктегілер.

Оларды тауып, қайталанатындарын алып тастау үшін 3,1 миллион өтініштің әрқайсын жан-жақты қаралау қажет дейді олар.

"Осылайша өтінімді қарау аралығы созылып кетуі ықтимал. Сондықтан, азаматтардан, 3 жұмыс күнінен соң төлемді тағайындау туралы хабарлама алмасаңыздар да алаңдамауларыңызды сұраймыз. Әр өтініш бойынша ақпарат тексерілгеннен кейін міндетті түрде өтінім жолдаушыға қабылданған шешім жайы жеткізіледі", - деді министрлік өкілдері.

Еске салайық, әлеуметтік төлем алуға өтінімді eGov порталы, 42500.enbek.kz веб-сайты және https://t.me/Help42500Bot мекенжайы бойынша Telegram-бот арқылы беруге болады.

Қазақстан жаңалықтары. Соңғы жаңалықтар. Telegram желісінде бізге жазыл! 

Доллар арзандады