46 градусқа дейін аптап: Қазақстанда алдағы күндері ауа райы қандай болады?

Дина Шарипханова Корреспондент

Midjourney

Қазгидромет 17, 18 және 19 маусым күндері Қазақстанда ауа райы қандай болатынын болжады, - деп хабарлайды Tengrinews.kz тілшісі.

Қазгидромет 17, 18 және 19 маусым күндері Қазақстанда ауа райы қандай болатынын болжады, - деп хабарлайды Tengrinews.kz тілшісі.

Республиканың басым бөлігінде солтүстік-батыс циклоны әсерінен тұрақсыз ауа райы қалыптасады: найзағай, жаңбыр, екпінді жел күтіледі, 18-19 маусымда солтүстік-батыста, солтүстікте жаңбыр жауады, бұршақ болуы мүмкін.

Солтүстік-батыста, солтүстікте түнгі ауа температурасы 17-25-тен 15-23 градусқа дейін, күндіз 25-35-тен 20-31 градусқа дейін төмендейді. Елдің орталығында түнде 18-25-тен 15-22 градусқа дейін төмендейді, күндіз 17-18 маусымда қатты ыстық 35-39 градус, облыстың оңтүстігінде аптап 42 градус, 19 маусымда 27-32 градусқа дейін төмендейді.

Шығыста түнде ауа температурасы 12-23-тен 17-25 градусқа дейін көтеріледі, күндіз 27-35 градустан қатты ыстық 35-39 градусқа дейін көтеріледі, 19 маусымда жекелеген аудандарда ыстық 40 градусқа дейін жетеді.

Оңтүстік-шығыста түнде 18-23-тен 20-25 градусқа дейін аздаған көтерілу болады, күндіз қатты ыстық 35-39 градус, 18-19 маусымда кейбір аудандарда өте қатты ыстық 42 градус күтіледі.

Оңтүстік өңірлерде күндізгі ауа температурасы 43-46 градусқа дейінгі қатты ыстықтан 30-38 градусқа дейін төмендейді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!