+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Құрылыс-2" ЖШС мердігер ұйымының өкілі Арман Ахметов Алматының Бостандық ауданындағы Үлкен өзенінің жоғарғы ағысында сел ұстайтын бөгет салу кезінде жасыл желектерді кесу туралы егжей-тегжейлі айтып берді. Бұған дейін экобелсенді осы жерде бес мыңға жуық ағаш рұқсатсыз кесілгенін, бірақ мердігерлер басқаша есеп бергенін мәлімдеді, - деп хабарлайды Tengrinews.kz тілшісі.
"Құрылыс-2" ЖШС мердігер ұйымының өкілі Арман Ахметов Алматының Бостандық ауданындағы Үлкен өзенінің жоғарғы ағысында сел ұстайтын бөгет салу кезінде жасыл желектерді кесу туралы егжей-тегжейлі айтып берді. Бұған дейін экобелсенді осы жерде бес мыңға жуық ағаш рұқсатсыз кесілгенін, бірақ мердігерлер басқаша есеп бергенін мәлімдеді, - деп хабарлайды Tengrinews.kz тілшісі.
Ахметов әуел бастан сел ұстайтын бөгеттің құрылысына арналған аумақ Іле-Алатау ұлттық паркіне тиесілі болғанын жеткізді. Оның айтуынша, 2019 жылдың мамырында үкіметтің өзі сел ұстайтын бөгеттің құрылысына байланысты алаңды тазарту бойынша шаралар қабылдауды тапсырған.
"2019 жылдың мамырында Қазақстан үкіметінің "ерекше қорғалатын табиғи аумақтардың жерін запастағы жерге беру туралы" қаулысы негізінде премьер-министр Асқар Маминнің қолы қойылған Іле-Алатау ұлттық паркінің учаскесі Алматы қаласының Бостандық ауданына берілді. Қаулыда: "алынған сүректі ұлттық парктің балансына бере отырып, алаңды тазарту жөнінде шаралар қабылдау" деп нақты көрсетілген", - деп түсіндірді ол.
Ахметов 2020 жылдың соңында "Іле-Алатау мемлекеттік ұлттық табиғи паркі" РММ бөгет салу үшін Орман шаруашылығы өндірісінің шығындары мен залалдарын өтеуге арналған есептерді ұсынғанын айтады. ҚР ТЖМ "Қазселденқорғау" мемлекеттік мекемесінің өкілдері Іле-Алатау ұлттық паркіне республикалық бюджет кірісіне шығынның және шығынның орнын толтыру туралы кепілхат берген.
Ахметов бес мың ағаш кесілмегеніне сенімді. Оның айтуынша, 2021 жылдың қаңтарында құрылысшылар бұталарын ішінара кесіп шыққан.
"Ағаштарға қол тигізбедік. 20 сотық аумақта бұталар кесілді. Бес мың ағаш - шындыққа жанаспайды. Содан кейін экобелсенділер келіп, осы жерді видеоға түсіре бастады. Келесі күні құрылыс учаскесіне Жасыл экономика басқармасының өкілдері келіп, олардың басқармасынан ағаштарды кесуге рұқсат алу қажеттігін айтты. Біз бұған дейін бұл ұлттық парктің аумағы болғанын түсіндірдік, сондай-ақ бізде премьер-министрдің қаулысы және Тапсырыс берушіден кепілхат барын айттық", - деді мердігер ұйымның өкілі.
Арман Ахметов таудағы бөгет қажет екенін және құрылыс мерзімін ұзартуға болмайтынын айтты.
"Сел қашан болатынын ешкім білмейді. Салынып жатқан сел ұстайтын бөгеттің қорғалатын аумағы ұлттық парктің бір бөлігі болып тұр. Онда Алматы ГЭС каскады, Алматы - "Алма-Арасан" шипажайының автожолы, тұрғын үйлер орналасқан, сондай-ақ оңтүстік астананың тұрғындары мен қонақтары үшін демалыс орындары салынған. Жазда сел қаупі бар аймақта бір мезгілде бес мыңнан аса демалушы, сондай-ақ жұмыс істейтін персонал болуы мүмкін", - деп атап өтті ол.
Ахметов ақпанда тапсырыс беруші Жасыл экономика басқармасынан ағаштарды кесуге рұқсат алғанын еске салды.
"Қазір сел ұстайтын бөгеттің құрылысы кесте бойынша жүргізіліп жатыр. Тапсырыс беруші мен мердігердің өкілдері уақытша қолайсыздықтар үшін оңтүстік астананың тұрғындары мен қонақтарынан кешірім сұрайды", - деді ол.
Еске салайық, экобелсенді Тимур Елеусізов Алматы қаласы Бостандық ауданы мен Іле-Алатау паркінің шекарасында 5 000 ағаш кесілгенін мәлімдеген еді. Кейін Алматы қаласының Жасыл экономика басқармасы жасыл желектерді кесу жүргізілгенін растады, алайда олардың саны мен тұқымдық құрамы анықталып жатқанын түсіндірді.
Сондай-ақ, ағаш кесіліп жатқан жерде Бостандық ауданындағы Аюсай өзенінің сағасынан төмен Үлкен Алматы өзенінің жоғарғы ағысында сел ұстайтын бөгет салынатыны белгілі болды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
