Facebook желісінде Президент Қасым-Жомарт Тоқаевтың жалған парақшасы пайда болды, - деп хабарлайды Tengrinews.kz тілшісі.
Президенттің баспасөз хатшысы Берік Уәли мұндай фейктерге сенудің қажеті жоқ екенін айтады.
"Президент Қасым-Жомарт Тоқаевтың атынан ашылған жалған аккаунттар мен парақшалар бұған дейін де көп болған. Бола беретін де шығар. Әлеуметтік желілерде ашылып жатқан мұндай фейктерге сенудің қажеті жоқ. Өзіңіз айтып отырғандай, Қасым-Жомарт Кемелұлы Твиттерде және Инстаграмда тіркелген. Ал Фейсбукта Мемлекет басшысының атынан тіркелген барлық аккаунттар мен парақшаларға сенбеуге шақырамын", - деді Берік Уәли.
Қазақстан жаңалықтары. Соңғы жаңалықтар. Telegram желісінде бізге жазыл!