Абай мен Михаэлис ескерткіші көптің наразылығын туғызды

23 Маусым 2014, 19:31
0
Абай мен Михаэлис ескерткіші көптің наразылығын туғызды - ©Facebook.com
©Facebook.com
Абай мен Михаэлис ескерткіші көптің наразылығын туғызды - ©1720.kz
©1720.kz

23 маусым күні Өскеменде Абай мен Евгений Михаэлиске арналған ескерткіш орнатылды, - деп хабарлайды Tengrinews.kz.

Бұл ескерткіш туралы әлеуметтік желілерде қызу талқылана бастады. Қазнет қолданушыларының айтуынша, Абай Құнанбайұлы мен Евгений Михаэлис бүгінде танымал болған "селфи" жасап жатқан сияқты, сондай-ақ көпшілік мүсіндердің ергежейлі екенін айтып жатыр. Қолданушылар арасында "бұл мәдени мұра мен тарихқа жасалған қиянат" деген пікірлер де айтылуда.

Өскемен қаласы әкімдігінің баспасөз қызметі орнатылған ескерткіште ауытқулар анықталғанын хабарлады. "23 маусымға қараған түні Абай даңғылы мен Михаэлис көшесінің қиылысында осы екі тұлғаға арналған ескерткіш қойылды. Бірақ бұл нысан қалалық биліктің меншігіне әлі алынған жоқ. Абай-Михаэлис ескерткішінде келісілген нұсқадан ауытқушылық анықталды. Ескерткішті соғушылар қысқа мерзім ішінде сәйкессіздіктерді жояды", - деп түсіндірді Өскемен қаласы әкімінің орынбасары Владимир Головатюк. 

Қала әкімдігі өкілдерінің хабарлауынша, ескерткіштің биіктігі - 3,7 метр. Оны тасымалдаған кезде трамвай қозғалысына кедергі келтірмеу үшін ескерткіш түнде әкелініп орнатылған. "Фибробетон технологиясы бойынша мүсін жасауға 10, көп дегенде 30 күн кетеді. Егер ескерткіш граниттен соғылар болса, мүсіншілер оған төрт ай уақыт жұмсар еді", - деп хабарлады әкімдіктің баспасөз қызметі.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай