11 желтоқсан 2024 | 10:18

Абай облысында “қара алтын іздеушілер“ тобы тепловизор арқылы ұсталды

видео кадры

Абай облысында заңсыз алтын өндірісімен айналысқан "қара алтын іздеушілер" тобы ұсталды, - деп хабарлайды Tengrinews.kz тілшісі ІІМ мәліметіне сілтеме жасап.

Абай облысында заңсыз алтын өндірісімен айналысқан "қара алтын іздеушілер" тобы ұсталды, - деп хабарлайды Tengrinews.kz тілшісі ІІМ мәліметіне сілтеме жасап.

Абай облысының полицейлері ҚР ІІМ арнайы бөлімшесінің көмегімен Жарма ауданындағы шахта аумағынан құрамында алтыны бар кенді ұрлауға әрекет жасаған топты тоқтатты.

"Жедел-іздестіру шаралары барысында полиция қызметкерлері қылмыстық топтың ізіне түсіп, төрт ер адамды ұстады. Олардың жанынан металл іздегіштер, респираторлар, кен тасуға арналған қаптар және шамамен 3 килограмм құрамында алтыны бар кен табылып, тәркіленді", - делінген хабарламада.

Келтірілген жалпы шығын 3 миллион теңгеден асады. Аса ірі көлемдегі ұрлық дерегі бойынша сотқа дейінгі тергеу басталды.

ҚР ҚПК-нің 201-бабына сәйкес өзге ақпарат жарияланбайды.