1. Басты
  2. Біл
  3. Жаңалықтар
  4. Ел жаңалықтары

Әкімдік "Алматы облысында қайтадан блокбекет қойылады" деген хабарламаға жауап берді

© Tengrinews.kz / Әлихан Сәриев © Tengrinews.kz / Әлихан Сәриев

Желіде қатаң карантин енгізілетіні және Алматы облысында қайтадан блокбекеттер қойылатыны туралы ақпарат тарады. Осыған байланысты әкімдік баспасөз қызметі хабарламаға түсініктеме берді, - деп хабарлайды Tengrinews.kz тілшісі.

"Танымал мессенджерлердің бірінде Алматы облысында карантинге байланысты қайтадан блокбекеттер қойылатыны туралы хабар тараған. Бұл - фейк ақпарат. Бүгінде облыс периметрі бойынша блокбекет қою жоспарда жоқ", - дейді баспасөз қызметінің өкілдері. 

Жалпы облыс бойынша коронавирус жұқтырған 701 адам анықталған. Бір тәулікте тағы 20 адам тіркелді. 574 адам аурудан айығып шықты, өкінішке қарай, 1 адам қайтыс болды. 

Еске салайық, 27-28 маусымда көптеген облыс орталығында демалыс күндері шектеу енгізілді. Тұрғындарға себепсіз сыртқа шықпау ұсынылып, көптеген кәсіпорын жабылан болатын.  

Қазақстан жаңалықтары. Соңғы жаңалықтар. Telegram желісінде бізге жазыл!