Әкімнің орынбасары Берденовке жасалған қастандық: тың дерек шықты

Руслан Берденов. Фото: t.me/mazhilis_kz

Шымкент әкімінің орынбасары Руслан Берденовке жасалған шабуылға қатысты жаңа деректер шықты, - деп хабарлайды Tengrinews.kz тілшісі.

Шымкент әкімінің орынбасары Руслан Берденовке жасалған шабуылға қатысты жаңа деректер шықты, - деп хабарлайды Tengrinews.kz тілшісі.

Tengrinews.kz сауалына берген жауабында Шымкент әкімдігі шабуыл болған күні Руслан Берденов жиналыстар өткізгенін хабарлады.

Әкімдік мәліметінше, 21 сәуір Руслан Берденов үшін қалыпты жұмыс күні болған. Күндіз ол әкімдіктің аппараттық отырысына, сондай-ақ, өнеркәсіп және құрылыс вице-министрінің төрағалығымен онлайн форматта өткен жиналысқа қатысқан. Жұмыс барысында қала әкімінің орынбасары Шымкент қаласы әкімдігіне қарасты басқарма басшыларымен бірнеше жиналыс өткізген.

Әкімдік өкілдері Берденов сол күні шабуыл жасаған адаммен кездескен-кездеспегенін нақтыламаған.

"Оқиғаға дейін бірнеше күн бұрын Руслан Берденов жұмыс жоспары бойынша қаладағы құрылыс нысандарын аралап, азаматтарды жеке қабылдап, жұмыс комиссиясымен бірге құрылыс инфрақұрылымын дамыту бойынша бірнеше кездесу өткізді", - деді әкімдіктегілер.