АҚШ-та екі апта бұрын жоғалып кеткен Қазақстан азаматы іздестіріліп жатыр. Бұл туралы Threads әлеуметтік желісінде жарияланды, - деп хабарлайды Tengrinews.kz.
24 жастағы Әсет Құралбай Чикаго ауданында (Ford Heights, Illinois) тұрады. Ол кейінгі рет 2026 жылғы 2 маусымда байланысқа шыққан. 7 маусымнан бастап телефоны сөндірулі. Құжаттары мен банк карталары үйде қалған.
"10 маусымда полиция оның Toyota Camry (DP 86722) автокөлігін тапты, алайда Әсеттің қайда екені әлі белгісіз. Егер кімде-кім оны көрсе немесе қандай да бір ақпарат білсе, жеке хабарлама арқылы хабарлауды немесе отбасымен байланысуды сұраймыз. Мейлінше көп репост жасауды өтінемін", - делінген хабарламада.
Қазақстан СІМ бұл оқиғаға қатысты әзірге пікір білдірген жоқ.