1. Басты
  2. Біл
  3. Жаңалықтар
  4. Ел жаңалықтары

Ақтаулық бесбалалы отбасында егіз бала дүниеге келді 05 қаңтар 2021, 17:56

Ақтауда бес баласы бар отбасында егіз дүниеге келді. Желіде көпбалалы отбасының видеосы тарады, - деп хабарлайды Tengrinews.kz тілшісі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото жеке мұрағаттан Фото жеке мұрағаттан

Ақтауда бес баласы бар отбасында егіз дүниеге келді. Желіде көпбалалы отбасының видеосы тарады, - деп хабарлайды Tengrinews.kz тілшісі.

Отбасының әкесі, балалары, туыстары мен достары көпбалалы әйелді перзентханадан күтіп алған. Кадрларда ана мен егіз баланы күтіп алғандар билеп, көңілді ән айтады.

Посмотреть эту публикацию в Instagram

Публикация от Аналар әлемі ?? (@analar.alemi)

Tengrinews.kz тілшісі ақтаулық көпбалалы әкемен байланысты. Ол 37 жастағы қазақстандық әзілкеш Әлібек Дүйсен болып шықты. Оның айтуынша, жары 29 қарашада егіз ұл босанған, ал 6 желтоқсанда перзентханадан шыққан. Бір қызығы, бұл отбасындағы алғашқы егіз емес.

"Үлкен қызым мен ұлым да егіз, бірақ олар бір-біріне ұқсамайды. Біздің отбасымызда қазір жеті бала бар, үлкен егізден кейін ұл мен қыз туды, қазір егіз дүниеге келді. Үлкен қызым Ақбөбек 13 жаста, содан кейін егіз - қызым Ақтоты мен ұлым Ақан, олар 12 жаста, ұлым Әзілхан сегізде, тағы бір қызым Әсия бес жаста, ал жаңа туған ұлдарымызға Жанарыс және Бейбарыс есімдерін қойдық", - дейді бақытты әке.

Посмотреть эту публикацию в Instagram

Публикация от Жанұя кта командасы (@zhanuya_official)

Әлібек әйелі екеуі 13 жыл отасқанын және екі ұлдың дүниеге келуі оның үлкен арманы болғанын айтты. Сондықтан ол осындай қуанышты оқиғаны кең ауқымда - шармен, гүлмен, отшашумен және лимузинмен атап өтуді шешкен.

"Біз шығармашыл отбасымыз, Тұрсынбек Қабатовтың қазақша КВН-іне (КТА) қатысамыз. Барлық мерекеде тосынсый жасағанды ​​жақсы көреміз. Сондықтан біз ән жаздық. Тректі өзім таңдадым, оның сөзін жаздым. Сосын балалармен бірге ән салдық. Босануға бір апта қалғанда дайындала бастадық", - дейді Әлібек Дүйсен.

Посмотреть эту публикацию в Instagram

Публикация от Жанұя кта командасы (@zhanuya_official)

Жеті баланың тәрбиесіне келер болсақ, отағасы үлкен балалары ата-анасына көмектесетінін айтады.

"Ақбөбек пен Ақтоты - үлкен қыздарымыз - анасына көмектеседі. Балалармен ешқандай проблема жоқ. Түнде әйелім екеуміз, ал күндіз балалар қарайды, сол кезде анамыз ұйықтайды. Сондықтан біз бәріне осындай бақыт тілейміз. Балалар - керемет сыйлық", - деді отағасы.

Посмотреть эту публикацию в Instagram

Публикация от Жанұя кта командасы (@zhanuya_official)

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!